زجل للصوم الأربعيني - بقلم: اسماء طنوس من المكر
بْدينا بالصّـومِ الِكْبيـر___ بالصّومِ الأربعـيـني
صورة شخصية - اسماء طنوس المكر
الصوم لِأجلِ التّكفير___ تَالغُفــرانِ يِعطــينـي
__________________________
يا صايِم صالِح رَبَّك ___ وِالتَّوْبِه أُطلُـب مٍنّــو
راح يِغفِرلَك وِيْحِبّك ___ ما بتِقدر تِبعِد عَنّـــو
مَهما كان كْبير ذَنبَك ___ بِتْظَلَّـــك إنــتَ إبنـو
ما بيِغضَب أوْبيعاتْبَك___شوأخْطيت مْنِ سْنينِ
__________________________
رُحْ صالِح خَيَّك بِالدّار___ وخَيَّك في الإنسانِيِّه
إنسَ ال بينكوياللّي صار___ تَتِربـحِ الأبَـــدِيِّــه
رَبَّــك حَنـــون وغَفّــار ___ غافِرلَك الخطِيِّـــه
لا تْـــقَــدٍّم أيَّ أعـــذار ___قُلْ من ذنبي إعْفيني
___________________________
شو بَدَّك أكثر مِن هيك ___ غُفرانُه لَك مَجّـانـي
كُلّ الخطايا ال عَليــك ___ راح يِمحيها بْثَواني
شَرْط تْقولُّه راجع ليك ___ما بْعود لِلْخطا ثانـي
بالنِّعَــم راح يْمَــلّــيـك ___ وِتْقول رَبّي ما نسيني
___________________________
وِالصّوم بينَظّف قْلوب___ لَمّا الِقْلوب تْصـافـــي
والخطيِّه كَالمكــروب ___ ما بِتشوف فيهاالعافيه
بالصّلى الحِقِد بيذوب ___ بِتِمْلا بالحُــبِّ الدّافــي
بتِلقى حالَك المحبوب ___ بِتْـقول ربّي عاطــيني
من هنا وهناك
-
‘زنابق الأيام زنابق تبوح وتحكي‘ - بقلم : د. وفيق علي هيبي
-
‘ النُّور قريبٌ ‘ - بقلم : زهير دعيم
-
‘الثّعلب العائد الى نفسه‘ قصة للأطفال - بقلم : زهير دعيم
-
‘ السّلام والشَّر لا يلتقيان ‘- بقلم : اسماء طنوس من المكر
-
‘ في رِثاءِ الزُّهور ‘ - بقلم : هادي زاهر
-
‘النُّور قريبٌ ‘ - بقلم : زهير دعيم
-
ترتيبات خاصة في حديقة حيوان نيودلهي لمواجهة الطقس الحار
-
قصة قصيرة بعنوان ‘حكاية لم تروَ كاملة‘ - بقلم: الكاتبة اسماء الياس من البعنة
-
‘لا تحدثني عن الإيمان إن لم تبكِ في العتمة‘ - بقلم: رانية مرجية
-
زجل ‘ عدم الثقة ‘ - بقلم : أسماء طنوس من المكر
إعلانات
إعلانات
أرسل خبرا