زجل :‘ فاقد الايمان فاقد المحبة ‘ – بقلم : أسماء طنوس من المكر
ياللّي ما عنـدُه محبِّه __ ما عِــنـدُه ذرِّة إيــمـان بعيـد بيِبقى عن رَبّـي __ فاقـد إسـمُـه كَإنـســان
أسماء طنوس - صورة شخصية
___________________________
بإيمانَك أُطلُـب ربَّــك __ وروحُ الله بْيِعمـل فيـك
راح يْلَبّيـلَـك طلبَـك __ وحَسَب وَعْدُه راح يوفيك
وراح يْنَوِّرلَك قلبَك __ يِمْحي الظُّلمِه اللّي بتِعميك
وِيكون سراج لْدَربَك__ وِتْـعــيش العـُـمْـر بْأمـان
___________________________
وِالقلب الحامل لَعنات__ وكَــلامُـه شـوك وإبَــر
ألْفاظُه كُلها مْـسَبـّات __ وبِــالـشَّـرِّ قــلبُـه حَـجَـر
عَنهُ بْعيـدِه البَـرَكـات __ وعـن ألله قـلـبُـه هَـجـَر
راح يِتلَقّى الضَّرَبات __ ومَصايِب منِ الشَّيطان
___________________________
شو الهَدَف مِنِ وْجودَك__ بـْلا مـَحَـبِّـه ولَطـافِــه
وما بْتِلزَم مَرَّه حْدودَك __ وكِلماتَك عَن سَخـافِـه
شو بْتاخُذ شو مَردودَك __ وما عِنـدَك المَخـافِــه
وما بَذَلِـتْ مـجـهـودَك __ تَتِرضي الرَّبِ الرَّحمان
بإيمانَك بتُطلُب رَبَّك __ وروحُ اللهِ بيِعـمـل فيـك
راح يْلَبّيـلَـك طـلبَـك __ وحَسَب وَعْـدُه بِيوفـيـك
راح يْنَوِّرلك دربَـك __ يِمحي الظُّلمِه اللي بتِعميك
من هنا وهناك
-
قصة بعنوان ‘عصر السلام العظيم‘ - بقلم : الكاتبة اسماء الياس من البعنة
-
شاهدوا ‘نيلو‘ .. الكلب الذي انضم لفريق الإنقاذ الشاطئي
-
موشحات ‘إِزرعِ الأرضَ زهوراً ‘ بقلم : أسماء طنوس – المكر
-
‘زنابق الأيام زنابق تبوح وتحكي‘ - بقلم : د. وفيق علي هيبي
-
‘ النُّور قريبٌ ‘ - بقلم : زهير دعيم
-
‘الثّعلب العائد الى نفسه‘ قصة للأطفال - بقلم : زهير دعيم
-
‘ السّلام والشَّر لا يلتقيان ‘- بقلم : اسماء طنوس من المكر
-
‘ في رِثاءِ الزُّهور ‘ - بقلم : هادي زاهر
-
‘النُّور قريبٌ ‘ - بقلم : زهير دعيم
-
ترتيبات خاصة في حديقة حيوان نيودلهي لمواجهة الطقس الحار
إعلانات
إعلانات
أرسل خبرا